" صورة كريستين وهيا صغيرة "" حبيبتي النهارده عندها 22 سنة "
30/6
عيــد ميلاد البنت اللى أنا بحبها .. ومجبتلهاش هدية !
عيد ميلادي اللى فات جابتلي دبدوب عامل فيها أرنوب جميل خالص كدا وكانت مغرقاه برفيم , وجابتلنا مادليتين عاملين قلب وكل نص قلب منهم مع واحد فينا وقالتلي إنها ملقتش البرفيم بتاعي كانت عايزة تجيبهولي . اليوم دا كان جميل اوي .
النهارده أول عيد ميلاد ليها وإحنا مع بعض .
وأنا مجبتلهاش هدية .
ومقولتلهاش كل سنه وإنتي طيبه حتي .
لما كانت بتبقي زعلانه وأنا عايز أصالحها كنت بكتب حاجه عنها وأبعتهلها .
وكانت بتقولي أنا زعلانه من نفسي عشان مبعرفش أزعل منك .
ولما كانت بتقرأ كلامي عنها بقي كانت بتقولي بتترسم علي وشي إبتسامه بلهاء كدا .
أنا بقي شايف الإبتسامه دي دلوقتي وأنا أهه بصالحك عشان أنا مجبتلكيش هدية متزعليش مني بأة إنتي عارفه إني بحبك بس مبعرفش أعبر . وبعدين أنا باعتلك حجات كتير قوي يا ست هانم أصلاً وإنتي مش بتردي خالص وكاتبلك كلام كتير عندي وجوايا أكتر منه أساساً يعني وصمت طويل إنتي عرفاه مبيفهموش غيرك .
وحشتيني قوي يا كوكي ,
وإلي أن نلتقي في أقرب وقت
كل سنه وإنتي في قلبي يا قلبي .
0 التعليقات:
إرسال تعليق